| 8月 第一次去婚紗展 本來同我男朋友諗住去做下功課 事前都諗左一定唔會洗錢 去到,勁多人拉住~淨攞傳單,都唔敢坐低~ 行左好耐,行到個平平無奇的攤位"風華絕色" 有個老實的後生仔,傾左兩話~ 好似話我地係第一PAIR聽佢介紹 我地咪住SUPPORT下,淨係聽下... 點知搵左親切的NANCY姐同我地介紹... 其實D風格好似成熟D,但有一本青春可愛又合心意 不能抵擋NANCY姐的親切開朗同貼心 同時,認識左RICHER姐 無打探情況之下,無問家姐情況之下, 所以買左個PACKAGE,FULL PAYMENT, 想影花,影唔切十月,諗住下年三,四月影... 事後諗住會大鑊,太大膽,未做RESEARCH 但而家經歷完,我地真係好好彩 NANCY姐真係俾最好的我地,同埋最抵的俾我地 十月 用EMAIL聯絡"風華絕色" 想提早十一月影,我男朋友同我都個LEAVE 哈哈,唔靚,可以趁早影過第二輯嘛 上網睇"風華絕色"的網頁 睇左幾個相簿,問返合心水的相簿的攝影師 上網"風SIR"都幾出名,BOOK定風SIR 十一月 準備三日PRE-WEDDING PICTURE之旅 第一日:揀衫 果度衫款唔多,有D又有D舊 但都揀到心水...我可以揀4晚裝2婚紗 去到有D小妹幫手揀, 但小妹的態度麻麻, 揀衫揀得唔開心... 但SENIOR D的STAFF又好似又OK 無幾耐RICHER姐返黎接待我地 RICHER姐見我揀D色淡,幫我揀左件靚衫 又送多左一套婚紗俾我影,TOTAL有七套... 仲有幫我BOOK左最叻的沛樺老師幫我化粧 想影花,但桃園唔靚,幫我地改去台中,D花最靚咁話 心都暖晒... 第二日:影相 風SIR+沛樺老師(EMMA)-->呢個組合超強 沛樺老師的手藝真係好好 安瓶,佢話一PAIR人用4支,男女面各一支,女身2支 我自己o係香港買左安瓶去,但佢見我果隻麻麻,建議我買一支靚D用O係女仔面 其他用我自己買,好合理,無迫過,所以同佢買左一支 我雙眼少少內雙眼皮, 但佢都可以化到又圓又大(佢雙眼皮貼,係自己剪個形,襯返唔同人的眼型咁話) 佢話我似公仔樣,我自己都覺得...hee hee 頭髮飾物又多變化,心郁郁想叫沛樺老師結婚時幫我 風SIR唔洗講LA, 我地聽佢講擺POST聽佢提醒.... HEE HEE 係我成日分唔到左右羅 真的,好放心~ 去台中都幾遠,去緊時要成兩個鍾 化左粧換左衫, 對女仔講呢程車都辛苦架 但影靚相無計LA 幕後花紮要POST相啦 第二件晚裝+湖邊擺POSTS 
第一件婚紗造型 
轉左衫,未轉粧中 
第三件的晚裝,好鍾意呀 
第二件婚紗,件尾好靚 
最強的化粧師--沛樺老師 
最強的攝影師--風SIR 
最強助手--阿展 
但最靚的相要等相的整好至有 第三日:揀相 佢地晒晒D相出黎 但排法有D亂,唔係順序 要慢慢細心睇先睇到唔要邊D 要耐心重覆返睇 或者執出黎比較 無強迫,揀相揀左三個鍾 都好似唔夠咁, 張張都好靚,跟本DEL唔到, 最後加左多過150張... 價錢講唔到幾多,但要努力叫佢送多D野,補數... 鬼叫D相靚咩...hee hee 我地影一次,等如人地影兩次 期待實物到手中.... TIPS: 1:男仔要帶多D衫去,恤衫呀(返工的都唔緊要),白色禮服襯衣,背心,台灣果D男仔衫真係唔係好得... 我同我男朋友O係第一日O係西門町同東區,買左兩件靚襯衫影相,但搵唔搵到,睇彩數,帶定穩陣D~ 2.男仔白黑鞋,底衫都一定要帶~ 3.影相時間好緊要,想影多D,可能好遲先食到野,可以帶D零食,答車時充饑 4.揀衫:多揀唔同STYLE的,影相效果唔同D,但最緊要都係新娘鍾意,切忌揀左人地鍾意自己唔鍾意的衫~ 5:揀皇牌:間間都有皇牌攝影師同化粧師,皇牌有經驗豐富D,唔洗加錢,緊係皇牌LA. 6:講到出牙血,叫送多d野,男仔都要幫下口~ 7.o係台灣影的唔好處係,有問題時,見面當然要問,但相隔兩地都要send email問,但有問題,唔清楚一定要問,俾左錢架嘛.但我見佢地都好快覆,但佢地一點先開舖. 但要用中文... 8:女仔留長d頭髮,越長越好,即使有假髮補救,多d造形嘛. 洗頭時,要用護髮素先,家姐教教~ 9:如果出外景,一定SHOULDER,手要搽防曬~蚊拍水都必備,特別係去花圃~我俾蚊咬左十啖~haa haa |
